د اوداسه ترتيب
١ ) لومړی به د اوداسه په نيت بسم الله الرحمن الرحيم ووايي . ٢ ) دواړه لاسونه به تر مړوند پورې درې ځله پرېمنځي . ٣ ) مسواک يا د شهادت ګوته به په خوله کې ووهي ، او په ښي لاس به درې کرته خولې ته اوبه واچوي او غرغره به وکړي. ٤ ) په ښي لاس به درې کرته پوزی ته اوبه واچوي او په چپ لاس به پوزه سوڼ کړي او پاکه به يې پرېمنځي . ٥ ) درې ځله به ټول مخ په دواړو لاسونو پرېمنځي . مخ د تندي د ويښتانو د شنه کېدو له ځايه څخه تر زنې لاندې ، او د يو غوږ د نرمۍ څخه د بل غوږ د نرمۍ پورې دي . ٦ ) که ږيره ګڼه وي نو حلال به يې کړي او که رنګۍ وي ، نو هڅه به وکړي چې د ويښتانو بېخو ته اوبه ورسيږي. ٧ ) بيا به دواړه لاسونه پریمنځی ، لومړی ښي لاس او بيا به کيڼ لاس د څنګلو سره پرېمنځي . ٨ ) د لاسونو ګوتې به حلال کړي . که چېرې ګوته ، بنګړي او ګړۍ په لاس وي ، له خپلو ځايو څخه به يې ښکته پورته وخوځوي تر څو ترې لاندې ځايونه لامده شي . ٩ ) بيا به دواړه لاسونه لامده کړي او ټول سر به له اوله تر آخره پورې مسح کړي . ١٠ ) بيا به په غټو او مسواکي ګوتو د غوږونو ظاهري او دننه برخه مسح کړي . ١١ ) بيا به لاسونه لامده کړي او د هر لاس د درې ګوتو په شاه به غاړه مسح کړي . ١٢ ) بيا به دواړه پښې ، لومړی ښي او بيا به کيڼه پښه د ښنګرو سره درې کرته پرېمنځي .
لومړی جلد تفسیر
دوهم جلد تفسیر
ترجمه قرانکریم
تفسیر نوربه دری
Pashto dictionary
dari
.jpg)
.jpg){kind=small}
